مصر عروسه

مصر العروسه

و اخيرا .. وصل العريس

قال لمصر حياتى فداكى

و دمى قدامك رخيص

و مصر قالتله

دمك الغالى ميتنسيش

و لو هأرد الجميل و مهما عملت ميكفيش

و عجبى

الشهر يناير و اليوم خمسه و عشرين

المكان ميدان التحرير .. مفخرة الميادين

قامت ثوره بالملايين

المسئولين قالوا : سيبوهم يتسلوا ، اهو تغيير

و الشعب قال : لا .. احنا جادين

و يا تحققوا مطالبنا

يا اما قاعدين ف الميدان ليوم الدين

و عجبى

قالولنا امشوا ... هنضرب ف المليان

قولنا : ميهربش الا الجبان

مش هنغادر المكان

نموت نموت بس يعيش المصرى انسان

و عجبى

دوروا الضرب ف اللى واقفين

مطاطى و حى و قنابل و بلطجيه متأجرين

و وسط الدخان لسه صوتنا مسموع

بيقول لمصر :مش ممكن نستكين

و عجبى

هربت العساكر و فضل الشعب غريق

نزل الجيش و البلد ف حريق

و لجان شعبيه على طول الطريق

و الناس سهرانه .. احمد و مينا و عم رفيق

بيقولوا :مشيت الشرطه بس احنا موجودين

و عجبى

يا مصر ولادك مش عبيد

دا شعب ف الحق عنيد

و ارادته ضد الظلم حديد

و عمر ما تفرقه لا تهديد و لا وعيد

و عجبى

النظام رافض يستكين

و بلطجيه بجمال و حمير هجموا على المسالمين

شويه شهدا و شويه مصابين

و الجمال تقول : مليش دعوه باللى راكبنى

انا مع الحق ، انا مع المتظاهرين

الجمال و الحمير نطقت بالحق

و النظام لسه بيقول للظلم امين

و عجبى على دنيا

فيها الحمير بتفهم عن البنى ادمين

و عجبى

سألوا الشهيد و قالوا

ليه تموت .. انت ممكن تعيش

رد و قال : الحياه و مصر مذلوله متجيش

و لو دفعت حياتى فداها يبقى بعيش

و عجبى

انتخابات مجلس الشعب تهييس

اصوات الناس ملهاش لازمه ، فطيس

زى ما تكون الاصوات زى البطاطس

المرشح يوزن بالكيلو و يعبى ف الكيس

و عجبى

عزيزى الرئيس

ارحل و خليك بييس

بس قبل ما ترحل

خرج المحابيس

و غير دستور التعجيز

و انسى ... ايوا انسى التوريث

و عجبى

قالوا يوم خمسه و عشرين ثورة التغيير

قولت لا

قالوا ثورة التبديل

قولت لا

دى ثورة قيام مصر الحديثه

و انهاء عصر الخلافه

و دولة التوريث

و عجبى

البلد قامت و لبست الفستان

و شباب مصر هما العرسان

و الشهدا شاهدين على عقد القران

و عودة الحريه للاوطان

و عجبى

مصر العروسه

و اخيرا و بعد طول انتظار

وصل العريس

و الفرح كان يوم خمسه و عشرين

و ليالى الملاح هتكون على طول السنين

و عجبى

يعنى ايه كوكاكولا زيرو

قمت بتجميعها من عدة مواقع .. اتمنى ان تعجبكم

•يعنى تلاقى واحد كاتب ستاتيوس والدى توفى و تلاقى واحد عامله لايك

•يعنى يبقى اسمك ((ماجد)) وتطلع طيار وطول حياتك الناس تقولك ياكابتن ماجد

•يعنى واحد بلديتنا يفتح محل دهب و يعمل اول يوم ببلاش بمناسبة الافتتاح

•يعنى لما الدايرة الي فيها 2500 صوت مرشح للحزب الوطني وياخد الـ 13000 صوت كلهم لوحدة!!!

•يعني تترشح في الانتخابات عن فئة (العمال) وتنجح فتعيش عيشة (الملوك) !!!

•يعنى نبقى أكتر من تمانين مليون و لحاد دلوقتى مش عارفين نلم 11 واحد ندخل بيهم كاس عالم

•يعني لما الناس تتغرب ولما تيجي ترجع تركب عبارة تعدي بيها البحر والعبارة تغرق وحوالي 1500 واحد منهم يموتوا .... يطلع التحقيق إنهم ماتوا بنزلة برد عشان لما غرقوا ماكنوش عاملين حسابهم وماتقلوش هدومهم!!!

•يعنى تلاقى سيد حاطط نكته عالوول محدش يعبره ..............بعدها نهى تحط نفس النكته تاخد عليها 18 لايك و 22كومنت و 17 فريند ريكوست و6 رسايل اعجاب عشان دمها الخفيف

•يعنى ان انبى يجيب 3 اجوان و الاهلى يكسب 2 – 1

•يعنى الشاب : هاي ممكن اتعرف ؟ ◄البنت : اخرس॥ ◄الشاب : انا معجب بيكي؟ ◄البنت: اخرس॥ ◄الشب: انا بحبك؟ ◄البنت: اخرس॥ ◄الشاب: انا... محتاج لك؟ ◄البنت: اخرس.. الشاب:انتي حياتي؟ البنت: اخرس.. ◄الشاب:انتي كل حاجه انا بفكرفيها؟ ◄◄البنت: اخرس.. ◄الشاب:تتجوزيني؟ ◄البنت: بجد !! ◄◄الشاب :اخرسي

•يعنى انك تبقى زمالكاوى كافى خيرك شرك॥وتضطر تشجع الاسماعيلى يمكن تحرق دم جمهور الاهلى شوية..وبرضوا الاسماعيلى يحرق دمك।

•يعني الريس يسافر برة علشان يعمل عملية في المرارة والسولار يختفي من البلد في نفس اللحظة علشان ماحدش يستغل الفرصة ويولع فيها

•يعنى إنك تمنع التدخين جوه القطر علشان تحافظ علي أرواح الناس ويروح القطر بكل اللي فيه لابس في قطر تاني

•يعني قطرين بخيشو في بعض والي يتحاسب الكومسري وفي حادث آخر البقرة الي كانت واقفة على القضبان!!!

•يعني نعمل قانون مرور جديد..... و ضحايا حوادث الطرق سنويا أعلى من نسبة اللى ماتوا فى حرب اكتوبر!!!!

•يعني يعملوا قانون ضرائب جديد على العقارات ....... والشعب الي مش ناوي يدفع يموت نفسة عشان يجيب الاقرار ويتباع في السوق السودا كمان!!!!!

•يعني هشام طلعت مصطفى يخطط .... والسكري هو اللي يتشنق

•يعني السيول تنزل عندنا في مصر ....ونتبرع للضحايا في هايتي

•يعنى ربنا خلقنا بودنين ليه ......علشان الناس تصرخ والوزارة وودن من طين وودن من عجين

•يعنى يقولك إن من أهم انجازات عصر ما بعد الثورة هى مجانية التعليم..... و أى أسرة فى مصر بتبيع اللى وراها و اللى قدامها علشان الدروس الخصوصية!!!!

•يعنى يعملوا مؤتمر سنوى لأنجازات الحكومة ......و الناس كلها عارفة إن مؤسسة رسالة هى اللى فاتحة بيوت غالبية الشعب!!!!

•يعنى يبقى عندك ثلث أثار العالم فى مدينة واحدة وهى الأقصر و تلاقى دولة زى تونس عدد السائحين فيها أكتر من عندك!!!

•يعنى لما شعار الكرة اللى موجودة على مستشفى 57357 تزيد تكلفتها عن 3 مليون جنية والناس مش لاقية شاش ولا قطن فى المستشفيات !!!!

•يعنى تيجى تشترى شقه فى إسكان مبارك لمحدودى الدخل تحسبها تلائها واقفه عليك بسعر السوبر لوكس!!!!

•يعني تبقي جماعة محظورة بس ليها 80 نائبًا في البرلمان।

•يعني تشوف أخر لمشروع توشكي

•يعنى اني ابقي رايح امتحن ماده وانا علي باب اللجنه اعرف ان الجدول اتغير وعندي ماده تانيه خالص

•يعني بعد الكلام اللي قولته ماتحبسش

كوكاكولا زيرو ... راعى الهبل فى مصر

التاريخ قال كلمته

وقف التاريخ
يسجل الاحداث و الانجازات
واحد له ف الطب معجزات
او واحد له مخترعات
او واحد عشان وطنه مات
وغيرهم وغيرهم واقفين طابور
من كل المستويات.

شفت الطابور
سألت : عشان ايه اللمه يا جدعان
فقالوا : دا طابور الانجازات
فقلت : هوهو .. دا انا انجازاتى ما تتنسى
و سجلى منها منتلى
فوقفت ف الطابور
و قلت : اتفرجى عليا يا دنيا و اتعلمى.

و جه عليا الدور
بص التاريخ ليا و قال : انت مين ؟
اسمك مش فى سجلاتى
اطلع م الطابور يا حزين
و اقف مع المتفرجين
قولتلوا : انا المصرى
ازاى متعرفنيش
دا انا منقوش على الجبين
و اسأل عليا اى حد م البنى ادمين
فقاللى التاريخ : طب قول
يمكن اعرف انت جاى مع مين
----------------------------------------
قلتله : انا ... انا فرعونى
العالم كله يعرفونى
و عشان اثارى بيمجدونى
و تاريخى عمره 5000 عام
استحاله يعرفوا ينسونى.

انا بانى السد العالى
ف الفن و الهندسه مثالى
كان فكره ف خيالى
و بقى واقع بجهدى و دمى و مالى

و انا عل الجبهه فدائى
و العالم كله يعرف ندائى
بلدى افديها بدمائى
و ف اكتوبر النصر كان اهدائى
--------------------------------------------
التاريخ بصلى و قال
انا سألتك انت مين
مش اجدادك مين
انا عارف جدودك المصريين
العالم كله اتعلم منهم علم و دين
لكن دلوقتى العالم كله بيبص و يقول
دولا المصريين
ف اخر الطوابير مستنيين
و ورا الستاير متدارين
ستارة جهل
او ستارة فقر
و شويه ورا ستارة دين.
انتوا فين من العقاد و طه حسين
انتوا فين من احمس
و مينا موحد القطرين.
انت فين من كل ده يا حزين.
انت فين من اعظم حضاره على مر السنين.
كل همك ازاى تنزل وسط البنطلون
شويه حلوين.
و ازاى تعمل شعرك سبايكى
بجل و فازلين.
دا انت خيبتك بقت قويه من سنين.

دا انت امى
و عيوبك حنت ضهرى
و اخطائك زودت مواجعى.
تاريخك ... صفر
اسمك ... صفر.
فهمك بدائى
حتى وجودك عشوائى.
بقيت علتى و دائى
بعد ما كنت بعلمك دوائى.
دا انت صلاحيتك انتهت من سنين
--------------------------------------------
وقفت مدهوش مش قادر انطق
و وطيت وشى ف الارض
زى ما اكون ملعون
و جرٌيت رجلى و خرجت من الطابور
بعد ما كنت بليت البنطلون

مفارقه

قلت انسى ماضى
و اترك ما فات من زمنى
يوم كنت اضحك
و الضحك يملا كل قلبى
و يوم كنت ابكى
لأنى بحلمى مازلت احبى

و قلت ...
قلت اعيش يومى
فالذكرى ما عادت تجدى
فأنا اضحك
و قلبى بجراحه يدمى
و ابكى ...
و لكن بلا دمع فى عينى
فالدمع اضحى ف العروق يجرى
و اضحى الماضى مأساة قلبى

****

هذا ما جنت يداى

لن الوم احد سواى
فهذا ما جنت يداى
**************************
دخلت الكون من حيث ادرى
و الى اين صرت ... لست ادرى
و هل من رجوع ؟ ... ليت شعرى
ضاعت سنين عمرى
ما بين حلم ف الدم يسرى
و واقع كالنار يكوى
و لما حان الميعاد
خاب ضوء النهار
و انطفأت سرجى ...
وصل العمر الى نهايته
و انا لازلت اتسائل
متى ستبدأ يا عمرى ؟!!
***************************
بدأت حياتى و انا على ثقه
ان كل الكون ملكى
و لن يأتى يوم
فيه على عمرى ابكى.
اظهرت للحياة عشقى
و قلت : لن يكون احد ف المجد مثلى
و سأعمل بكل ما اوتى عقلى
و سأكتشف ما لم يجده غيرى.
كل العوائق سأزيلها من سبلى
و سأرى حلمى على ارض الواقع يجرى
و فى الشيخوخه ... سأذكر ايامى و اقول:
آه ... ما اجمل ايام عمرى
***************************
مضت الايام احاول تحقيق حلمى
و لكن مع اول عقبات طريقى
بعت حلمى ....!!
بعته فى سوق نخاسة
فصار حلمى عبدا
و صرت انا من دون حلمى ...
لا اجدى
ما عادت هناك منفعة لعمرى
و ايامى صارت خربى
و اتى اليوم حين صرت فقط لا ابكى
بل حفرت الدموع انفاق فى وجهى
و صارت تصب فى قلبى
***************************
أنطفأ الحلم
و اصبح كلما تذكرته
يكون كمثل السم يسرى فى جسدى
و قلت كثيرا : آه ... متى يحين اجلى؟
متى اقضى نحبى ..... ؟!!!
***************************
مضت سنين العمر
و ما عاد فى قلبى سوى حزن يدمى
و انا لم ارجو من العمر سوى حلمى
لم اطلب منه مالا و لا كرامه
و لا حتى ان اعيش حتى يدركنى الكبر
فقط قلت له : اعطنى حلمى و اتركنى و شأنى ....
انا اسف يا حلمى
لم استطع ان احارب من اجلك
فأبى عمرى أن بك يكرمنى
***************************
شاخ القلب
مع انى مازلت ف العمر احبى
و نالت الشيخوخه منى
ما لم تناله من احد قبلى.
كنت اضحك كثيرا
على اجد ف الضحك ما يسرى.
كل يوم كنت اغمض عينى
راجيا ان يحين اجلى
و حين حان الميعاد
اغمضت عينى ... و اذا بالموت يداعبنى
و سمعت من قلبى بعض انين
و قال بصوت حزين:
لن الوم احد سواى
فهذا .... ما جنت يداى
*
*
*
توقف النبض
و لف المكان سكون ليس بغريب

طيف نسميه الحنين - فاروق جويده

‏'‏إلي أمي‏..‏ وكل أم‏..‏ في عيد الأم‏'‏
***
في الركن يبدو وجه أمي
لا أراه لأنه
سكن الجوانح من سنين
فالعين إن غفلت قليلا لا تري
لكن من سكن الجوانح لا يغيب
وإن تواري‏..‏ مثل كل الغائبين
يبدو أمامي وجه أمي كلما
اشتدت رياح الحزن‏..‏ وارتعد الجبين
الناس ترحل في العيون وتختفي
وتصير حزنـا في الضلوع
ورجفة في القلب تخفق‏..‏ كل حين
لكنها أمي
يمر العمر أسكنـها‏..‏ وتسكنني
وتبدو كالظلال تطوف خافتة
علي القلب الحزين
منذ انشطرنا والمدي حولي يضيق
وكل شيء بعدها‏..‏ عمر ضنين
صارت مع الأيام طيفـا
لا يغيب‏..‏ ولا يبين
طيفـا نسميه الحنين‏..
‏‏***‏
في الركن يبدو وجه أمي
حين ينتصف النهار‏..‏
وتستريح الشمس
وتغيب الظلال
شيء يؤرقني كثيرا
كيف الحياة تصير بعد مواكب الفوضي
زوالا في زوال
في أي وقت أو زمان سوف تنسحب الرؤي
تكسو الوجوه تلال صمت أو رمال
في أي وقت أو زمان سوف نختتم الرواية‏..‏
عاجزين عن السؤال
واستسلم الجسد الهزيل‏..‏ تكسرت
فيه النصال علي النصال
هدأ السحاب ونام أطيافـا
مبعثرة علي قمم الجبال
سكن البريق وغاب
سحر الضوء وانطفأ الجمال
حتي الحنان يصير تـذكارا
ويغدو الشوق سرا لا يقال
في الركن يبدو وجه أمي
ربما غابت‏..‏ ولكني أراها
كلما جاء المساء تداعب الأطفال
‏***‏
فنجان قهوتها يحدق في المكان
إن جاء زوار لنا
يتساءل المسكين أين حدائق الذكري
وينبوع الحنان
أين التي ملكت عروش الأرض
من زمن بلا سلطان
أين التي دخلت قلوب الناس
أفواجا بلا استئذان
أين التي رسمت لهذا الكون
صورته في أجمل الألوان
ويصافح الفنجان كل الزائرين
فإن بدا طيف لها
يتعثر المسكين في ألم ويسقط باكيا
من حزنه يتكسر الفنجان
من يوم أن رحلت وصورتها علي الجدران
تبدو أمامي حين تشتد الهموم وتعصف الأحزان
أو كلما هلت صلاة الفجر في رمضان
كل الذي في الكون يحمل سرها
وكأنها قبس من الرحمن
لم تعرف الخط الجميل
ولم تسافر في بحور الحرف
لم تعرف صهيل الموج والشطآن
لكنها عرفت بحار النور والإيمان
أمية‏..‏
كتبت علي وجهي سطور الحب من زمن
وذابت في حمي القرآن
في الأفق يبدو وجه أمي
كلما انطلق المؤذن بالأذان
كم كنت ألمحها إذا اجتمعت علي رأسي
حشود الظلم والطغيان
كانت تلم شتات أيامي
إذا التفت علي عنقي حبال اليأس والأحزان
تمتد لي يدها بطول الأرض‏..‏
تنقذني من الطوفان
وتصيح يا الله أنت الحافظ الباقي
وكل الخلق ياربي إلي النسيان
‏***‏
شاخت سنين العمر
والطفل الصغير بداخلي
مازال يسأل‏..‏
عن لوعة الأشواق حين يذوب فينا القلب
عن شبح يطاردني
من المهد الصغير إلي رصاصة قاتلي
عن فـرقة الأحباب حين يشدنا
ركب الرحيل بخطوه المتثاقل
عن آخر الأخبار في أيامنا
الخائنون‏..‏ البائعون‏..‏ الراكعون‏..‏
لكل عرش زائل
عن رحلة سافرت فيها راضيا
ورجعت منها ما عرفت‏..‏ وما اقتنعت‏..‏ وما سلمت‏..‏
وما أجبتك سائلي
عن ليلة شتوية اشتقت فيها
صحبة الأحباب
والجلاد يشرب من دمي
وأنا علي نار المهانة أصطلي
قد تسألين الآن يا أماه عن حالي
وماذا جد في القلب الخلي
الحب سافر من حدائق عمرنا
وتغرب المسكين‏..‏
في الزمن الوضيع الأهطـل
ما عاد طفلك يجمع الأطيار
والعصفور يشرب من يدي
قتلوا العصافير الجميلة
في حديقة منزلي
أخشي عليه من الكلاب السود
والوجه الكئيب الجاهل
أين الذي قد كان‏..‏
أين مواكب الأشعار في عمري
وكل الكون يسمع شدوها
وأنا أغني في الفضاء‏..‏ وأنجـلي
شاخ الزمان وطفلك المجنون‏..‏
مشتاق لأول منزل
مازال يطرب للزمان الأول
شيء سيبقي بيننا‏..‏ وحبيبتي لا ترحلي
‏***‏
في كل يوم سوف أغرس وردة
بيضاء فوق جبينها
ليضيء قلب الأمهات
إن ماتت الدنيا حرام أن نقول
بأن نبع الحب مات
قد علمتني الصبر في سفر النوارس‏..‏
علمتني العشق في دفء المدائن‏..‏
علمتني أن تاج المرء في نبل الصفات
أن الشجاعة أن أقاوم شح نفسي‏..‏
أن أقاوم خسة الغايات
بالأمس زارتني‏..‏ وفوق وسادتي
تركت شريط الذكريات
كم قلت لي صبرا جميلا
إن ضوء الصبح آت
شاخت سنين العمر يا أمي
وقلبي حائر
مابين حلم لا يجيء‏..‏
وطيف حب‏..‏ مات
وأفقت من نومي
دعوت الله أن يحمي
جميع الأمهات

آه لو تدرين

كأميره علي كل نساء هذا الكون توجتك
كقمر يدور في افلاكي تخيلتك
انار لي كل ظلماتي فرأيتك
كورده ناصعة البياض شممت عطرك
وجدت كل حواسي
لا تفعل اي شيء الا ان تحسك
فأه لو تدرين
لو تدرين ... كم احبك
++++++++++++++++++++++++++
سلكت بأجتهاد في كل طرقك
فأنت يا حبيبتي وحدك
من علمني كيف لكل عشق جنس النساء اترك
لكي اعشقك
و عندما عشقتك
نسيت ان للنساء جنس
فأه لو تدرين
لو تدرين ... قبل ان اموت اني بقربك
++++++++++++++++++++++++++
من كل قلبي طلبتك
تكور فكري و تشكل
ليكون مثل فكرك
صرت اعيش علي
رائحة عطرك
صار طعامي
ان اتغني بشعرك
كرست كل حياتي لذكرك
فأه لو تدرين
لو تدرين .. ما يحدث لقلبي كلما نطق اسمك
++++++++++++++++++++++++++
قرار قد اتخذته برضا تام
فقلبي و عقلي لاول مره
كانا علي اتفاق تام
سأبقي علي دربك بلا انفكاك
و سيبقي حبك في قلبي بلا حراك
فأنا لا اعرف الا سواك
و قد انسي نفسي و لا انساك
فما جنس النساء لي الاك
فأه لو تدري
لو تدري .. كم من قلب احتاج كي احتمل هواك
++++++++++++++++++++++++++
...انت يا حبيبتي
حبك اضحي لي كافلاك كثيفة النجوم
و انا كسرب حمام دائر فيها
صار حبك لي كل حياتي
و بدونه لا معني للحياه
فقد تساوت مع الهلاك
فأه لو تدرين
لو تدرين .. اني بالموت ارضي اذا ما موتي ارضاك
++++++++++++++++++++++++++
ختاما ..
سواء دريت او لم تدرين
فيجب ان تعلمي
اني سأظل احبك طوال الحياة
يا حبيبتي الوحيده
فمنايا ان اراكي سعيده
فما يجعل قلبي ينبض
هو انه يتمناك
فسواء عشت او اكتنفني الممات
فأعلمي ان حبك في قلبي باق
الي الابد ... و حتي بعد قيام الاموات
++++++++++++++++++++++++++